Pronarët e lokaleve në Lungomare në Vlorës vijojnë të protestojnë kundër ndalimit të muzikës në orën 22:00. Bëhet me dije se ata kanë vendosur të mbyllin bizneset e tyre për 24 orë.
Pronarët e bareve e restoranteve në qytetin bregdetar kërkojnë shtyrjen e orarit të mbylljes dhe atë për lejimin e muzikës, duke qenë se jemi në kulmin e sezonit turistik. Ata i kanë dërguar më herët një letër kryeministrit Edi Rama, ku bënin me dije se masat anti-Covid po i çonin drejt falimentimit.
Ndërkohë, mbrëmjen e djeshme, një pjesë e madhe e lokaleve në Vlorë kanë protestuar duke vendosur himnin kombëtar. Pas kësaj situate kanë nisur edhe ndalimet, si dhe konfrontimet me policinë, e cila po ashtu ka gjobitur një prej lokaleve dhe ka proceduar penalisht tre administratorë./Opinion.al
