Organi më i lartë i kontrollit financiar në Shqipëri ka zbarkuar në Prokurorinë e Përgjithshme ku ka futur në sitë të gjithë veprimtarinë ekonomike të organit të akuzës për vitin 2015.
Mësohet se një grup prej tre adutituesish dhe një drejtuese, të Kontrollit të Lartë të Shtetit, janë ngarkuar për të audituar Prokurorinë e Përgjithshme.
Audituesit kanë kontrolluar veprimtarinë ekonomike nga data 5 deri në datën 7 Maji. Grupi përbëhej nga Mimoza Lloji, Melina Kabo, Hektor Kosova dhe Manjola Naço. Kjo e fundit ka monitoruar dhe drejtuar auditimin.
Pas kontrollit, bëhet e ditur se KLSH do të dalë më një raport përfundimtar, i cili do të publikohet në muajin gusht.
Nga se thuhet paraprakisht, grupi i kontrollit ka konstatuar shkelje të natyrës administrative, por edhe penale.
Por, mbetët për të parë se çfarë shkeljesh kanë ndodhur në organin e akuzës dhe se sa është dëmi financiar që i ka shkaktuar buxhetit të shtetit.
