Mediat italiane e kanë kurorëzuar si “Mbreti” shqiptar i Gomorrës në Romë.
Bëhet fjalë për Elvis Demçen, për të cilin një ditë më parë prokuroria italiane kërkoi nga gjykata dënimin me 21 vite burg, i akuzuar për përfshirjen në një tentativë vrasjeje.
Trafikanti shqiptar i drogës kishte rënë në përgjime të aplikacioneve sky dhe enkrochat të zbardhura nga autoritetet franceze ku Demçe merr përsipër eliminimin e italianit Alessio Marzani. Ky i fundit kishte bërë 4 vite burg për vendosje gjobash dhe pas lirimit kishte kërcënuar njërin nga anëtarët e bandës së shqiptarit. Demçe merr menjëherë përsipër eliminimin.
“Vëlla këta janë luanët e mi. Unë kam një ekip prej 6 luanësh. Unë qëlloj në kokë edhe Papën nëse më bezdis” – janë fjalët e shqiptarit të dala nga përgjimet.
Atentati u krye në 22 Tetor 2020, por shënjestra edhe pse u plagos, mundi të mbijetojë. Prokurori i çështjes tha se bëhej fjalë për një grup me një profil me kapacitet shumë të lartë kriminal dhe rrezikshmëri shoqërore. Demçe ka qenë i lidhur në të kaluarën me Fabrizio Piscitelli, lideri i ultrasve të Lacios i njohur si Diabolik, i vrarë në Gusht të 2019-ës në një park të Romës. /Tv Klan
