Të paktën tre biznesmenë, 2 në qytetin e Durrësit dhe një në Tiranë i kanë paguar shuma të konsiderueshme parash Emiljano Shullazit. Kështu thuhet në kërkesën që Prokuroria e Krimeve të Rënda do të paraqesë në gjykatë në seancën për caktimin e masës së sigurisë për Shullazin dhe dy miqtë e tij, Gilmando Danin e Blerim Shullazin.
Aktiviteti i këtij grupi, ku bëjnë pjesë dhe persona të tjerë ende të paidentifikuar, thotë prokuroria, ka qënë i shtrirë dhe në përvetësimin e pronës.
Sipas akuzës këta persona po bëjnë përpjekje për të privatizuar një objet të quajtur “Parku Sportiv” në Durrës, i cili ndodhet në lagjen numër 5.
Pronësia e ish-hotel “Vollgës” është gjithashtu një prej pjesëve kryesore të dosjes hetimore.
Një tjetër akuzë që është ngritur për tre të ndaluarit është ajo e trafikimit të lëndëve naroktike.
Prokuroria thotë se ka të dhëna së në bashkëpunim me të tjerë indidvidë, brenda dhe jashtë vendit, kanë kanë trafikuar drogë drejt vendeve të Europës Perëndimore.
Në listën e ngjarjeve për të cilat hetuesit kanë prova është edhe kërcënimi i biznesmenit, Jani Zaka për dhënien e 1200 metrave parkim, në Tiranë.
Edhe kërcënimi i dy akadamikëve, Rektorit aktulal të Universitetit të Tiranës, Dhori Hule dhe kandidatit për këtë post Mynyr Koni është pjesë e këtij hetimi.
Prokurori thotë se kërcënimi ndaj tyre është bërë nga tre të ndaluarit. Hetuesit kanë dyshime se ky grup vijon aktivitetin e tij kriminal dhe për këtë arsye kërkon arrest me burg për Emiljano Shullazin, Gilmando Danin dhe Blerim Shullazin. / TV KLAN
