Prokuroria e Përgjithshme ka kërkuar verifikimin e shenjave të gishtërinjve të Agim Kajmakut, kryetarit të Bashkisë Vorë.
Drejtoria e Dekriminalizimit ka dërguar një shkresë pranë subjektit të verifikimit dhe gjurmët e gishtërinjve duhet të jepen brenda 5 ditëve. Verifikimi i Kajmakut do të bëhet brenda dhe jashtë vendit. Pa u marrë shenjat e gishtërinjve burimet zyrtare nuk do të dërgojnë asnjë kërkesë për informacion në shtetin grek mbi të shkuarën e tij.
Agim Kajmaku ka ndryshuar emrin dhe kjo e bën të domosdoshëm verifikimin e shenjave të gishtërinjve në rast të një kontrolli për të shkuarën e tij.
Më herët Sekretari i Përgjithshëm i Partisë Demokratike, Gazment Bardhi publikoi një vendim të Gjykatës së Janinës të vitit 2003 sipas të cilës Jorgo Toto (identiteti i mëparshëm i Agim Kajmakut) ka qenë i ndaluar nga autoritetet greke dhe për të është dhënë masa arrest me burg për falsifikim kartëmonedhash. Sipas PD për këtë krim ai do të dënohej e pakta 10 vite burg në shtetin fqinj por masa ndaj tij nuk është ekzekutuar pasi ai ka ardhur në Shqipëri. /Opinion.al
