Telashet me drejtësinë nuk kanë fund për deputetin Tom Doshi. Në kulmin e fushatës zgjedhore ku ai po kërkon vota në Shkodër, prokuroria i komunikon akuzën për “deklarim të rremë të pasurisë”. Hetimet për Doshin kanë nisur dy vite më parë dhe është paditur nga ILDKPKI, por sot prokuroria ka mbyllur hetimet dhe ka dërguar dosjen në Gjykatën e Lartë.
Ai kundërshtoi kallëzimin e ILDKPKI për fshehje dhe deklarim të rremë të pasurisë.
Bëhet fjalë për një shumë, që sipas Inspektoratit të Lartë të Deklarimit dhe Kontrollit të Pasurisë, shkon deri në 23 milionë euro. Shkeljet, sipas ILDKP-së, janë kryer nga viti 2005 deri në vitin 2014.
Doshi tha se prokuroria ka tendencë politike kundër tij. Ai është i pari i listës së Shkodrës për PSD-në e Gjinushit.
