Prokuroria kërkon zyrtaisht Policisë së Shtetit që të verifikojë në vijimësi zbatimin e masës së sigurisë “arrest në shtëpi” të deputetit Armando Prenga.
Kërkesa e organit të akuzës ndaj bluve vjen pas informacioneve që ka siguruar nga burime zyrtare se i pandehuri Prenga nuk e respekton urdhërin e gjykatës, raporton Ora News.
Prokuroria thekson se nëse konstatohet shkelja e urdhërit të gjykatës ana e deputetit Prenga, do të ndërmarrë masat e nevojshme ligjore.
Ndërkohë në Gjykatën e Lartë Prenga ka kërkuar ndryshimin e kësaj mase, kërkesë kjo që pritet të shqyrtohet gjatë ditës së sotme.
Një ditë më parë deputeti Armando Prenga, i shoqëruar nga avokati u paraqit në Prokurorinë e Përgjithshme për të dhënë shpjegime për ngjarjen para komisariatit të Laçit, me cilësinë e të pandehurit.
Pasi tre akuzat, ajo e “plagosjes së lehtë me dashje”, “kanosjes” dhe “armëmbajtje pas leje” i janë komunikuar.
Në zyrën e prokurorit, Altin Binaj, deputeti Prenga mësohet se ka kërkuar të njihet me provat e prokurorisë.
Pasi la organin e akuzës Prenga nuk pranoi të komentoië akuzat ,ndërsa avokati tregoi arsyen e paraqitjes së deputetitnë Prokurori.
“U thirrëm për një seancë pyetjesh në kuadër të veprimeve hetimore, njëkohësisht u njohëm me aktet e këtij proçedimi penal dhe vendosëm që pasi të vendosen aktet që janë krijuar dhe nuk na janë komunikuar deri më sot do mbajmë qëndrimin tonë përfundimtar lidhur me akuzën e ngritur”.
