Prokuroria e Krujës paraqiti në gjykatë pretencën ndaj Rexhep Rrajës, djalit të deputetit socialist Rrahman Rraja, i akuzuar për veprën penale të përndjekjes ndaj ish të dashurës, Xhisiela Malokut.
Prokuroria ka kërkuar 1 vit burg për Rexhep Rrajën. Por duke qenë se ndaj tij është marrë vendimi ”gjykim i shkurtuar’, çka i ul atij një të tretën e dënimit, pra 4 muaj burgim. Gjithashtu duke llogaritur dhe kohën e paraburgimit, edhe nëse Rexhepi shpallet fajtor nga gjykata ai pritet të lirohet para festave të fundvitit.
Ndërkohë, Gjykata e Krujës i ka lënë një javë kohë avokatit mbrojtës të të pandehurit për të përgatitur konkluzionet e mbrojtjes, para se të japë vendimin përfundimtar.
Rexhep Rraja u arrestua në 30 shtator pasi ish-oficeri i policisë Emiljano Nuhu denoncoi në media kërcënimet sipas tij nga disa eksponentë të PS për të mbyllur denoncimin e Xhisiela Malokut.
Kjo e fundit ka deklaruar më herët por dhe sot në gjykatë se nuk është dhunuar nga Rraja, por denoncimet për dhunën e ushtruar i kishte bërë në korrik të këtij viti, për shkak të xhelozisë.
