Komisioni Qendror i Zgjedhjeve ka bërë publik një realacion për projektvendimin mbi mënyrën se si do të regjistrohen zgjedhësit nga jashtë vendit, për zgjedhjet e 25 Prillit.
Sipas KQZ-së, kërkesa për regjistrim është parashikuar të kryhet online dhe se akti është aktualisht në proces konsultimi.
Bëhet me dije se në hartimin e këtyre rregullave “është synuar veçanërisht t’u pritet rruga rasteve të mundëshme të abuzimit, pra që dikush të regjistrojë dikë tjetër me qëllim për të krijuar mundësi t’i përdorë të drejtën e votës me që votimi nuk bëhet në QV me monitorim nga komisionerë e vëzhgues”.
“Edhe për kohën e shkurtër që është në dispozicion, eshte menduar që kërkesa për regjistrim të bëhet nëpërmjet nje sistem teknollogjik on line. Sistemi do të jetë i aksesueshëm në ëeb në formën e një aplikacioni të shkarkueshëm edhe në smartphone. Shtetasit që do shprehin vullnetin për të votuar nga jashtë vendit siç përcaktohet ne nenin 24 të Kodit Zgjedhor, nuk do të mund të regjistrohen në listën e zgjedhësve pa plotësuar dhe konditën tjetër të nevojshmë, atë të regjistrimit të adresës së vendbanimit të tij në vendin ku është rezidentë në përputhje me parashikimet e ligjit 14/2016 përmendur më lartë. Per te verifikuar qe personi qe po regjistrohet nuk eshte nje person tjeter, sistemi do t’i kerkoje votuesit te identifikohet me një nga dy mënyrat e paraqitura. Sistemi do te analizojë te dhënat e marra nga procesi i regjistrimit nëpërmjet “përplasjes”/krahasimit me bazat e te dhenave shteterore si Regjistri Kombëtar i Gjendjes Civile, që është një regjistër i konsoliduar e që përmban të gjithë përbërësit zgjedhor të shtetasve e regjistra të tjerë qe mund te ndihmojne ne verifikimin dhe saktesimin e te dhënave”, bën me dije KQZ. ( RELACIONI I PLOTE)
Sipas KQZ janë 3,606,955 zgjedhës të supozuar, nga të cilët 1,355,080 prej tyre ndodhen jashtë vendit./Opinion.al
