Kryebashkiaku i Tiranës, Erion Veliaj ka ndarë pamje nga projekti i Kampusit Universitar në Qytetin Studenti.
Përmes një postimi në rrjete sociale, Veliaj thotë se transformimi i konvikteve në Qytetin Studenti është një nga historitë e suksesit në një dekadë.
“Transformimi i konvikteve në Qytetin Studenti është një nga historitë tona të suksesit në një dekadë.
Por, puna jonë aty ende s’ka mbaruar.
Sot dua t’ju njoh me super projektin e Kampusit Universitar në Qytetin Studenti, për të cilin kemi disa kohë që punojmë e që mezi pres ta bëjmë realitet për studentët, që ndjekin studimet në Tiranë.
Nuk më besohet se si nga një hapësirë e zaptuar nga ndërtimet pa leje, kjo hapësirë studentore po merr një tjetër dimension si fakt i punës sonë të jashtëzakonshme”, shkruan Veliaj.
