Kryebashkiaku i Durrësit Vangjush Dako ka paraqitur një projekt të ri për qytetin e Durrësit me një vlerë 6 milionë dollarë.
Fotot e projektit duken vërtet spektakolare.
Bashkia shpjegon se bëhet fjalë për një shesh të ri urban përpara portit.
Sipas saj projekti “Veliera” do të tërheqë mijëra turistë pasi do të jetë një objekt origjinal e i vizitueshëm që do ti japë Durrësit një imazh të vërtetë të një qyteti turistik.
Projekti është përgatitur nga studio e arkitekturës shqiptare ERALD -G + ARKONSTUDIO dhe një studio të njohur arkitekture nga Italia, ARCHEA. Sheshi i ri publik do të ketë një sipërfaqe prej 12 mijë metra katror dhe vela mbi të do të jetë 2 mijë metra katror. Vlera e të gjithë këtij projekti do të jetë rreth 6 milion dollarë.
Gjithë këto përkujdesje estetike, në një moment kur problemet themelore lihen në harresë apo bëhet sikur nuk ekzistojnë.
Në fakt, e gjithë zona e shëtitores së Vollgës dhe sidomos në pjesën mbi det ku është ngritur një urë e madhe, kui nodhen shnumë dyqane, palestra e restorante, kundërmon një erë e tmerrshme fekalesh pasi të gjithë ujërat e zeza derdhen në det.
Era është e padurueshme çdo ditë si për ata që ecin përgjatë shëtitores, por aq më keq për ata që zgjedhin të shkojnë te kolalet e urës së madhe mbi det.
Mjafton për të bërë një shëtitje për ta verifikuar këtë.
Kjo ndoshta është edhe një arsye se përse janë të paktë kryeqytetasit që zgjedhin zonën e Vollgës në Durrës dhe preferojnë ato disi më të largëta nga qendra.
Është vërtet e pabesueshme që në 25 vjet nuk është zgjidhur ende problemi i ujërave të zeza, ndërkohë që paraqiten projekte të panumërta luksi./Mapo
