Ky është Vilson Brahja, 23 vjeç, banues në Kamëz i cili tri ditë më parë i vuri tritolin banesës së Xhelal Dacit në Bathore.
Siç shikohet edhe nga dy profilet e tij aktive në facebook, Brahja diku e deklaron veten Snaiperist në forcat Renea dhe diku tjetër deklaron se është “Paradite pushim, pasdite pa punë dhe natën pa gjumë”
Po kështu Brahja është i dhënë pas arteve marciale dhe palestrës.
Pranimi i autorësisë së vendosjes së tritolit
Policia ka ndaluar në kohë rekord personin i cili vendosi eksploziv tri ditë më parë në banesën e familjes Daci në Bathore.
Vilson Brahaj, 23 vjeç, banues në Tiranë, pranoi se është paguar për të vendosur tritolin në banesën e familjes Daci, djali i së cilës Gazmir Daci vuan dënimin me 37 vite burg për vrasjen e Valmir Kolaverit dhe plagosjen e vëllait të tij Robertit.
Në Polici Brahaj është shprehur se ka pranuar pagesën për të vendosur tritolin sepse ishte i papunë.
“Tritolin e kam blerë në Fushë-Krujë. E vendosa tritolin në banesën e familjes Daci pasi jam i papunë dhe kisha nevojë për para. Nuk kam asgjë me familjen Daci, e bëra thjesht për para”.
Po kështu Brahja ka deklaruar se mori 5 mijë euro për të vendosur tritolin. “Tritolin e montuan ata që ma shitën, unë thjesht sa e vura”.
Por 23 vjeçari nuk ka deklaruar ende se kush është porositësi i vertetë i tritolit.
