Syed Ryzban Farook 28 vjeç dhe Tashfeen Malikm 27 vjeç kishin 2 vite të martuar. Ata kishin edhe një vajzë.
Sipas CNN, Farook ishtë specialist mjedisi në kontenë San Bernardino dhe ishte shtetas amerikan.
Gjithashtu, në regjistra figuron se ka qenë punonjës edhe në qendrën sociale ku ndodhi masakra.
Ai ka punuar aty për gati 5 vite. Farook u diplomua në Universitetin Shtetëror të Kalifornisë në San Bernardino pikërisht për mjedis në vitin 2009.
Farook ishte në qendrën ku po zhvillohej konferenca. Ai më pas doli i zemëruar dhe u kthye sërish i armatosur dhe nisi të qëllonte mbi të pranishmit, thanë dëshmitarët.
Deri më tani nuk dihen mirë motivet. Nuk ka të dhëna që ai të kishte probleme me punën. Vëllai i tij tha për mediat dhe policinë se nuk e ka idenë përse duhet ta bënte një gjë të tillë.
“Jam i tronditur. Nuk di çfarë të them. Nuk kam as idenë më të vogël pse duhet ta bënte një gjë të tillë”, tha ai.
Ai tha se edhe familja e tij, njësoj si amerikanët e tjerë do të duhet të presë që hetimet të përfundojnë për të kuptuar shkaqet.
Çifti pas masakrës nuk la asnjë shënim, apo mesazh për atë që bënë.
Ndërkohë, ishkolegët e përshkruajnë Farook si një njeri të qetë, por jo shumë social
“Atij mund ta përshëndesje kur shkoje në punë dhe sërish kur lije punën. Nuk ishte tip që fliste shumë. Për të mos thënë që nuk përfshihej fare me asnjëri”, tregon një ishkoleg.
“Ai ishte i qetë dhe gjithnjë i sjellshëm”, thotë Maria Gutierrez, një ishkolege e Farook.
Me bashkëshorten u njoh përmes internetit.
Sipas burimeve dhe dëshmitarëve, Farook e njohu bashkëshorten e tij nëpërmjet internetit. Ai u tha të afërmve se kishte shkuar në Arabinë Saudite për të takuar një grua.
Kur u kthye ai ishte martuar me Malik.
