Ministrit aktual të Shëndetësisë, Ilir Beqaj mbrëmjen e sotme ju publikua një shkelje në detyrë, ku padrejtësisht për arsye partiake ka shkarkuar Kryetarin e Degës së Fondit të Sigurimeve të Kujdesit Shëndetësor të degës së Tropojës Çlirim Hajdarmatajn. Kjo jo se u ai kap në shkelje në postin e tij, por sepse ky i fundit nuk shkoi në një mbledhje të Partisë Socialiste.
Prej kohësh Ilir Beqaj është vënë në qendër të vëmendjes dhe është akuzuar nga opozita për korrupsion dhe abuzime në dhënien e koncensioneve. Mund të themi që është ndër ministrat më të sulmuar e më të kritikuar të qevërisë Rama. Por cila është historia e Ilir Beqaj në PS pëpara se ai të bëhej ministër.
Ilir Beqaj ka qene kryesuesi i listës së deputetëve të Partisë Socialiste për Qarkun e Shkodrës ne zgjedhjet e 2009-es. Deputeti Ilir Beqaj u akuzua se përfitoi fonde publike.
Kështu Partia Demokratike e paditi në Gjykatë deputetin e Partisë Socialiste të qarkut të Shkodrës duke e akuzuar se kishte shkelur ligjin dhe Kushtetutën, duke përfituar 24 milionë nga Bashkia Durrës, ndërsa kishte mandat që prej 1 gushtit 2009.
Dhe në vitin 2011 Gjykata Kushtetuese i hoqi mandatin e deputetit të Partisë Socialiste Ilir Beqajt. Beqaj u bë deputeti i parë mandati i të cilit u hoq nga Gjykata Kushtetuese e Shqipërisë.
Sot emisioni investigativ “Stop” publikojë përgjimin e Beqajt me Drejtorin në Tropojë, ku ministri në fjalë është një prej të komanduarve të Partisë Socialiste në zonën e veriut dhe shkarkoi për llogari politike. Por a do ti shpëtoj këtë herë Beqaj këtij skandali dhe a do të shkarkohet ai nga Kryeministri Edi Rama?
