TIRANË- Vetëvrasja e 20-vjeçares nga Fieri, me banim në Tiranë, në prag të ditës së madhe të Krishtlindjes ka marrë gjithë vemendjen në opinionin publik. Jo vetëm për moshën e re, por edhe për atë që përfaqësonte.
Studente e shkëlqyer e Ekonomikut, një vajzë kultivuar siç e komentojnë ata që e kanë njohur, por edhe siç shfaqej në rrjetet sociale. Klea duket se dëgjonte rock metal e eksperimental; Pink Floyd, Slayer; David Boëie. Pra ishte pak ndryshe nga brezi i saj edhe në shije.
Duke parë llogaritë e saj në rrjetet sociale duket se Klea e kishte paralajmëruar ngjarjen e rëndë…ose më saktë e shprehte trishtim, mungesën e besimit dhe dilemat emocionale.
Një muaj më parë në nëntor, Klea kishte postuar një foto bardhë e zi mbi të cilën shkruante në gjuhën angleze: Pas gjithë kësaj kohe, ndërsa pyesja nëse mund t’i besoja vetes, instikti im ma provoi: “Duhet të kisha gjetur një shteg në pyje pa rrugë.”
20 vjeçarja postonte vazhdimisht këngë me përmbajtje dilematike e pesimiste.
“Jeta ime është një mister… “, shkruante ndër të tjera 20 vjeçarja.
Klea i ka marrë me vete dilemat e saj dhe shkaqet e verteta të vetëflijimit. Por, referuar burimeve në polici, Klea kishte pasur një lidhje me një bashkëmoshatar. Duket se kohët e fundit, gjërat mes tyre nuk shkonin siç duhet. Ky mendohet të jetë shkaku…
