Robert Kulla, djali I Nehat Kullës, një prej të fortëve më të njohur që kanë komanduar zonën e Linzës në vitin 1997, është një person shumë aktiv në dosjet e Policisë së Shtetit. Në vitin 2005 një operacion i befasishëm i forcave speciale të RENEA-s bëri të mundur vënien në pranga të Nehat Kullës, babait të tij. Në momentin kur në shtëpinë e Kullës hynë forcat speciale, ky i fundit u gjet në shoqërinë e të birit, Robertit, i cili edhe ai u arrestua. Burime policore bënë të ditur në atë kohë se Nehat Kulla u arrestua pas nxjerrjes së një vendimi nga Gjykata e Krimeve të Rënda. Ai akuzohet të ketë ekzekutuar në vitin 1998 shoferin i ish-ministrit të Brendshëm, Halit Shamata. Viktima Halim Gjuzi ka patur probleme me të ashtuquajturin “Gjenerali”, gjatë periudhës kur ishte shofer i kreut të dikasterit blu. Ndërkohë që arrestimi i Robert Kullës, 23 vjeç, u bë pas kontrollit dhe sekuestrimit të armëve që mbaheshin nga at e bir.
Në vitin 2012 Robert Kulla u ndalu si I dyshuar për tentativën e vrasjes së biznesmenit Redi Dizdari. Kulla u ndalua ndërsa lëvizte me makinën e tij bashkë me shtetasin Herigert Çitaku edhe ky I dyshuar si pjesëmarrës në tentativën për vrasje. Pas verfikimit në polici Robert Kulla u la I lirë pasi pistoleta që u gjet në makinën e tij nuk I përkiste atij por shtetasit Çitaku.
