Një nga tre personat e implikuar në vrasjen e mbrëmjes së sotme në qytetin e Durrësit, ku humbi jetën një pronar marketi, është një emër i njohur për mediat.
Fjala është për Jurgen Kurtin, i cili më 4 prill të vitit 2016 u akuzua për vrasjen e babait të tij.
Pavarësisht se ai u arrestua bashkë me dajën e tij, Leonard Ristani, u la i lirë.
Jurgen Kurti njihet si menaxher i vipave në Tiranë, po ashtu dhe për jetën e tij luksoze.
Historia:
Historia në familjen e djalit që vishet me marka, u kthye në një serial mediatik që i ngjasonte një filmi, pasi kureshtja shtohej gjithmonë e më shumë për të mësuar se çfarë ndodhi në shtëpinë e tij natën e 4 prillit.
Sipas Policisë, atë mbrëmje viktima Artur Kurti, babai i tij hyri me thikë në dorë në banesë dhe është përleshur me djalin dhe kunatin, ku ka plagosur kunatin.
Më pas, në rrethana të cilësuara si të paqarta, në përleshje e sipër, shtetasi Artur Kurti gjeti vdekjen si pasojë e plagëve me thikë.
Natyrisht që kjo ishte një tragjedi për jetën e Jurgenit, i cili në të gjitha daljet publike apo statuset që postonte në rrjetet sociale paraqitej si djalë që e dashuron jetën dhe e shijon atë në maksimum.
