Helidon Bendo u emërua në krye të Shërbimit Informativ Shtetëror, pas dorëheqjes së Visho Ajazi Likës.
Figura e Bendos u propozua nga ana e kryeministrit Rama, ndërsa u miratua nga Presidenti Ilir Meta pas një takimi të sotëm në presidencë.
Helidon Bendo u emërua si Zëvendësdrejtor i SHISH në 22 Prill të vitit 2016.
Bendo ka lindur më datën 12 Maj 1971 në qytetin e Korçës. Ai është i martuar dhe ka dy fëmijë.
Përpara kësaj detyre, prej 7 vitesh ai ushtroi detyrën e Drejtorit të Drejtorisë në Aparatin Qendror të SHISH.
Bendo ka eksperiencë 21 vjeçare në SHISH, ku ka mbajtur detyra të ndryshme si: Inspektor terreni, Kryetar Dege, Drejtor Drejtorie në disa Qarqe të vendit dhe Drejtor Drejtorie në AQ.
Ai është diplomuar në vitin 1993 për matematikë në Fakultetin e Shkencave të Natyrës, ka një master në studime për sigurinë, si edhe një trajnim tre-mujor në fushën e sigurisë pranë Universitet George Toën në SHBA.
