Një histori e tërë precedentësh penalë, e cila nis në vitin 2010 dhe që mbyllet mbrëmjen e sotme, me vrasjen e tij në një lokal, pranë Drejtorisë së Ujësjellësit në Durrës. Asllan Kërtusha 30 vjeç ishte një person i skeduar shpeshherë për kryerjen e veprave penale të ndryshme në qytetin bregdetar. Në gusht të vitit 2010, në atë kohë 24 vjeç, Kërtusha, kundërshtoi me dhunë patrullën e policisë, çka i kushtoi prangosjen.
Sipas policisë, arrestimi i tij u krye mbrëmë pak para mesnatës, pasi në gjendje të pirë në lokalin e një shtetasi tjetër, R.D., që ndodhet në lagjen nr.1 në Durrës, kishte nisur të thyente gota, shishe dhe karrige në lokal, duke prishur qetësinë publike.
Në vitin 2011, Asllan Kërtusha bashkë me katër të rinj, u ndaluan nga policia në flagrancë, pasi kishin bllokuar rrugën në thirrje për solidarizim të drejtuesve të PS për revolta në Durrës, së bashku me mjaft persona të tjerë.
Në vitin 2014, bashkë me mikun e tij Denis Shtraza, vëllain Ilia Shtraza dhe Miklovan Lazrin, Asllan Kërtusha, u arrestua pasi rreth orës 16.45, të në ambientet e lokal ”Pop Corn” në lagjen nr.1, në gjendje të dehur kanë thyer disa pajisje të lokalit dhe kanë goditur me mjete të forta shtetasit Miklovan Lazri dhe pronarin e lokalit shtetasin P.B., 48 vjeç, duke iu shkaktuar dëmtime, të cilat u klasifikuan në kategorinë e plagosjes së lehtë. Ku Asllan Kërtusha u procedua për plagosje të lehtë me dashje të kryer në bashkëpunim me Denis dhe Ilia Shtraza.
