Profesori grek i sizmologjisë, Gerasimos Chouliaras duket se ka bërë një “parashikim profetik” në lidhje me tërmetin që goditi Turqinë. Disa orë përpara tërmetit, drejtori i Kërkimit në Institutin e Gjeodinamikës në Athinë postoi në rrjetin social Facebook, një njoftim, ku paralajmëronte se Turqia mund të goditej nga një tërmet i fortë.
I pyetur nga mediat greke, ai edhe njëherë ka theksuar se tërmetet nuk mund të parashikohen, por sipas tij postimi është bërë duke analizuar tërmetet që kishin goditur Turqinë. Ai tha se kishte një hendek sizmik që nga viti 1970, vit kur Turqinë e kishte goditur një tërmet 6.9 ballë, ndaj kërkonte që autoritetet që kishin vëmendje.
Të paktën 22 njerëz humbën jetën nga një tërmet i fuqishëm në lindje të Turqisë. Sipas zyrtarëve të sizmologjisë në këtë vend, tërmeti me fuqi prej 6.8 ballë, i shkallës Richterit e pati epiqendrën në qytetin Sivrice në provincën Elazig.
Ai bëri që ndërtesat të shemben dhe njerëzit të dalin në rrugë. Dridhjet e tokës u ndjenë edhe në Siri, Liban dhe Iran. Tërmetet janë të zakonshme në Turqi. Rreth 17,000 njerëz kanë humbur jetën nga një tërmet masiv në qytetin Izmit, më 1999. Sivrice, një qytet me rreth 4,000 njerëz, është një vend i njohur turistik në bregun e liqenit Hazar./ Opinion.al
