Shkencëtarët ka marrë në studim produktet e qumështit, dhe kanë arritur në konkluzionin se ato ndikojnë në zhvillimin e kancerit të prostatës. Për këtë studim, janë analizuar 21 mijë meshkuj për 11 vite, ku meshkujt të cilët konsumonin më shpesh produktet e qumështit, kishin 34% rrezik më të lartë për tu prekur nga kanceri i prostatës.
Pёr momentin mbetet i paqartë mekanizmi i veprimit, por autorët e studimit mendojnë se sasia e lartë e kalciumit tё konsumuar, ul prodhimin e vitaminës D, e cila mbron nga kanceri.
Shenjat e hershme të kancerit të prostatës:
Në stadet e hershme, kanceri i prostatës nuk jep shenja klinike. Në stadet më të avancuara, shfaqen shenja klinike, si urinim i shpeshtë, sidomos natën; urinim i dobët, jo me forcë; ndërprerje e menjëhershme e urinimit, si dhe rifillim i urinimit mbas disa sekondave; dhembje dhe djegie gjatë urinimit; urinim me gjak, shoqëruar shpesh me copëza të vogla gjaku të mpiksur; prezencë e gjakut në spermë; dhembje të lokalizuara në një ose disa kocka, sidomos në kockat e legenit dhe në vertebrat, dhembje që vazhdojnë pa ndërprerje të paktën deri në dy javë, shenjë e kancerit të avancuar që tregon se ka prekur kockat.
