Ditën e dielë Shqipëria mbajti zgjedhjet e nënta parlamentare, në një proces i monitoruar nga OSBE-ODHIR si edhe masa të forta sigurie nga ana e Policisë së Shtetit. Duke qenë se e gjithë vëmendja e njerëzve ka qenë e fokusuar në zhvillimet e procesit zgjedhor dhe surprizave të njëpasnjëshme, është lënë në hije “prania” e dy ish-ambasadorëve amerikan në Shqipëri edhe pse në distancë.
Aleksandër Arvizu dhe Xhejms Xhefri, kanë ndjekur ditën e dielë zgjedhjet e mbajtura në Departamentin e Shtetit. Arvizu, ka qenë prej 5 vitesh (2010-2015) Ambasador i SHBA-ve në Shqipëri, dhe ka qenë prezent në shumë çështje të rëndësishme në vend. Xhefri, nga ana tjetër edhe pse qendroi vetëm për 2 vite (2002-2004) në Shqipëri, duket se vëmendja e tij nga ky vend nuk është shkëputur ende. Siç edhe duket në foto, ata kanë pasur edhe një shtrëngim duarsh gjatë këtij vëzhgimi në distancë./Opinion.al
