Zyra e prokurorit publik federal në Belgjikë kërkoi 13 vite burg për dy shqiptarë të dyshuar në rastin kryesor të drogës “Encrochat/SKY”.
Shqiptarët Paulo D. dhe Flavio B., u arrestuan më 26 tetor 2021, kur policia bastisi një laborator droge në Huysmanslaan në Ixelles.
Hetuesit gjetën aty jo më pak se 177 kilogramë kokainë, si dhe shumë produkte kimike dhe të gjitha furnizimet e nevojshme për përgatitjen e kokainës për shitje, si dhe dy armë zjarri.
Prokurori publik kërkoi 7 vjet burg për Flavio B. dhe 6 vjet për Paulo D, raportojnë mediat e huaja.
Javën e kaluar, gjyqtari federal Julien Moinil kishte vendosur tashmë një dënim me 9 vjet burg kundër personit kryesor Eridan Munez Guerrero (mban mbiemrin e gruas kolumbiane). Të hënën, Sokol C, u dënua me 7 vjet burg.
Sipas njoftimit ai punon si shofer kamioni në Shqipëri, por me pagën mujore prej 800 eurosh ka mundur të blejë një “Range Rover”, një “Ford Mustang”, një “Mercedes”, “një varkë dhe disa apartamente”.
Sipas njoftimit në të njëjtën kohë, vëllai i tij Eridan i dërgon shuma të konsiderueshme parash nga Belgjika. Gjatë kontrollit në shtëpinë e tij në Shqipëri kemi gjetur disa dokumente që e lidhin me automjetet e përdorura në Belgjikë nga organizata kriminale.
Më në fund, gjykatësi federal urdhëroi një dënim me burg prej 13 vjetësh kundër Maringlen C., i cili mund të lidhej me laboratorë të ndryshëm të drogës.
“Gruaja e tij u arrestua në laboratorin e drogës në Graystraat, laboratori ku filloi kjo dosje. ADN-ja e tij u gjet në një laborator në Anderlecht. Ai ishte në kontakt të ngushtë me Eridan Munez Guerrero, edhe pas arrestimit të tij, dhe ai njihet nga Albelhak H. si një nga njerëzit që e rrëmbyen atë”, tha magjistrati.
