Kreu i Partisë Mundësia, Agron Shehaj ka dhënë një prononcim për mediat lidhur me rezultatin e deritanishëm që kjo forcë politike ka marrë.
Teksa numërimi i votave po shkon drejt fundit, Shehaj u shpreh se është e vështirë që rezultati në mandate të ndryshojë në Tiranë, sa i përket edhe numërimit të votave të diasporës.
I pyetur nga gazetarët nëse do ishte më mirë që partitë e reja të bëheshin bashkë në këto zgjedhje, Shehaj u shpreh se kjo nuk do jepte një pasqyrim se sa peshë ka secila nga këto parti në elektorat.
Pjesë nga fjala e Shehajt:
Shumë e vështirë që rezultati të ndryshojë. Do komentoj mandatin e dytë kur të mbyllet procesi i numërimit. E vështirë të ndryshojë.
Ne e dinim që në fillim, sistemi është ndërtuar që partitë e vogla ta kenë sa më të vështirë. Nuk bëhej fjalë për koalicion për bëhej që të gjitha partitë të shkriheshin në një. Nga do kuptonim ne sa peshë zë secila nga këto parti.
Mbi Greqinë ka dyshime, por ka dyshime mbi gjithë procesin, duhet të presim. Nëse numrat janë ndryshe është diçka tjetër. Procesi duhet riparë nga fillimi. Jam i përqendruar mbi rezultatin e partitë Mundësia. Edi Rama ka 12 vjet 25 vjet që përfiton nga gjithë Shqipëria. Kam kërkuar besimin për të përfaqësuar qytetarët në parlament.
