Kryeministri Edi Rama, përmes një postimi në rrjetin social “Facebook”, shkruan se po bëhen përgatitjet e fundit për Samitin e Procesit të Berlinit, i cili zhvillohet për herë të parë jashtë kufijve të BE-së, në Tiranë.
Rama thotë se kanë konfirmuar pjesëmarrjen Presidenti i Francës, Emanuel Macron, Kancelari i Gjermanisë, Olaf Scholz, Presidentja e KE, Ursula Von der Leyen dhe një sërë kryeministrash të vendeve anëtare të BE.
“Jemi në përgatitjet e fundit të një tjetër evenimenti të madh ndërkombëtar për Shqipërinë, Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë, me pjesëmarrjen e 6 kryeministrave të rajonit, ku kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Europian”-shkruan Rama./Opinion.al
