Procedimi penal që iu bë protestuesve të FRPD-së, pasi kishin dalë përpara Bashkisë të proteston për ujin e pijshëm, është komentuar nga Lulzim Basha. Në një postim të tijin në “Facebook”, Basha akuzon kryeministrin Rama se tenton të mbyllë të gjithë zërat kritik i mbështetur nga Veliaj. Basha gjithashtu përmend ngjarjen e Ardit Gjoklaj, ku i bën thirrje kryebashkiakut të përgjigjet përpara Gjykatës.
Statusi i plotë i Bashës:
Edi Rama dhe veglat e tij në krye të Bashkisë Tiranë kanë kërkuar procedim penal kundër qytetarëve që ngritën zërin para bashkisë ndërsa ata ngritën në mënyrë kriminale çmimin e ujit.
Rama e di që ka vetëm një mënyrë për të plaçkitur dhe për të dhunuar një vend: shuarja e çdo zëri kritik dhe persekutimi i çdo kujt që guxon të shprehet dhe vep?rojë kundër.
Prandaj ai po përdor kundër qytetarëve kryeveglën e tij në Tiranë, i cili vetë akoma nuk ka dhënë llogari në prokurori për vrasjen e Ardit Gjoklajt dhe shfrytëzimin skllavëror të fëmijëve për të mbushur xhepat e tij dhe klientëve të tij. Është përpjekje e dëshpëruar e njerëzve të zhytur në të keqe për të ngjallur frikë tek populli i tyre.
Dua t’u them qytetarëve se nuk duhet të tremben, sepse janë më të fortë se çdo regjim dhe çdo qeveri. Ju bëj thirrje të gjithë qytetarëve të ngrenë zërin dhe të reagojnë ndaj këtij veprimi burracak kundër njerëzve të lirë dhe të drejtave të tyre.
