Është shkarkuar nga detyra Dritan Seci, Kryetar i Gjykatës së Tropojës. Ai u shkarkua nga Komisioni i Pavarur i Kualifikimit, pasi nuk kishte bërë deklarim të saktë të pasurisë.
KPK arsyeton se gjyqtari Seci nuk ka burime të ligjshme të të ardhurave dhe ka fshehur pasurinë. Procesi i Vettingut për Dritan Secin u krye nga trupa gjykuese e përbërë nga Roland Ilia, Valbona Sanxhaktari dhe Olsi Komici.
Nga hetimet rezultoi se kishte probleme për blerjen e një apartamenti në vitin 2012 në Bajram, për blerjen e një lokali shërbimesh, sërish në qytetin e Bajram Currit si dhe të një apartamenti në Yzberisht të Tiranës. Nga hetimi administrativ janë ngritur dyshime mbi aktivitetin e bashkëshortes së Secit si farmaciste dhe të ardhurat e përfituara nga ky biznes vit pas viti, të cilat janë deklaruar disa herë më ulët sesa raportimi i bërë në zyrën e Tatimeve të Kukësit./Opinion.al
