Zëvendëskryeministrja, njëherësh Ministrja e Infrastrukturës dhe Energjisë Belinda Balluku, deklaron se reshjet e dëborës dhe erërat e forta kanë shkaktuar probleme në rrjetin e shpërndarjes së energjisë elektrike në zonën e veriut dhe të juglindjes së vendit.
Nëpërmjet një postimi në rrjetet sociale, Balluku shkruan se pas ndërhyrjes së OSSH për riparimin e defekteve teknike në rrjetin e elektrik, situata në qarkun e Korçës dhe Kukësit është stabilizuar.
Zëvendëskryeministrja thotë se elektricistët po punojnë për të punojnë për riparimin e defekteve edhe në zona të tjera, por ritmi i punës është i kushtëzuar dhe nga kushtet e motit,
“Prej mëngjesit të sotëm, kryesisht zona e Veriut dhe Juglindjes, është përfshirë nga reshje dëbore dhe erëra të forta. Pavarësisht kushteve të vështira të motit, grupet e punës së #OSSH kanë ndërhyrë për riparimin e defekteve në rrjetin elektrik. Rajoni i #Korçës është stabilizuar, po ashtu edhe Kukësi dhe zonat përreth. Ka ende disa zona në vend ku elektriçistët po vijojnë punën me ritme të kushtëzuar nga moti, në zbatim të sigurisë teknike. Linjat 35kV dhe rrjeti që furnizon hidrovoret apo institucionet e rëndësisë së veçantë janë në funksion të plotë”,-shkruan Balluku./Opinion.al
