Seanca gjyqësore për çështjen e privatizimit të ish-kompleksit “Partizani” për ish-Kryeministrin Sali Berisha është shtyrë për t’u zhvilluar ditën e nesërme në orën 14:30, pasi mbrojtja ka kërkuar kohë që të njihen me aktet.
Ish-kryeministri Berisha nuk do të paraqitet përpara gjykatës sepse sipas tij do të pranonte një shkelje kushtetuese që pretendon se është bërë nga Struktura e Posaçme Antikorrupsion në rastin e kufizimit të tij të lëvizjes pa marrë më parë miratimin nga parlamenti.
Kujtojmë se seanca për ish-kryeministrin Sali Berisha është ndërprerë dhe u prit të riniste sot në orën 18:00.
Teksa ish-kryeministri Sali Berisha ka refuzuar të paraqitet në GJKKO për t’u marrë në pyetje, avokati i tij Genci Gjokutaj ka mbërritur pranë ambienteve të gjykatës.
Po ashtu mësohet se edhe avokati Sokol Mengjezi ndodhej në gjykatë me prokurë të posaçme në mbrojtje të ish-kryeministrit Berisha.
