Pritjes i erdhi fundi! Foshnja mbretërore e Princ Harry dhe Dukeshës Meghan Markle ka ardhur në jetë dhe është djalë. Lajmi është bërë i ditur nga faqja zyrtare në Instagram e çifti ku është shkruar:
“Jemi të lumtur të japim lajmin se Duka dhe Dukesha e Suseex kanë mirëpritur djalin e tyre këtë mëngjes. Dukesha dhe foshnja mbretërore gëzojnë shëndet të plotë,”-shkruhet në faqe.
Që në çastin që Princi dhe Dukesha kanë thënë se janë në pritje të fëmijës së tyre të parë, lajmet për shtatzëninë e Meghan kanë qenë të pranishme gati çdo ditë në mediat e huaja.
Për të shoqëruar dukeshën e ditët e fundit të shtatzënisë ka qenë e pranishme edhe nëna e saj. Më herët lajmi se Dukesha ishte duke sjellë në jetë fëmijën e saj ka qarkulluar në të gjitha mediat me konfirmimin e Pallatit Mbretëror, Buckingham Palace.
“Dukesha është duke lindur që në orët e para të këtij mëngjesi. Duka i Sussex është pranë saj. Një tjetër njoftim do të bëhet së shpejti,”-është shkruar më herët nga Buckingham Palace.
Në fillim u tha se çifti do e mbante të fshehtë ardhjen në jetë të fëmijës së tyre, por pallati mbretëror ka vendosur që gjithçka të bëhet publike si në rastet e Dukeshës Kate Middleton. /Opinion.al/
