Amerikania 24 vjeçare nga Washingtoni do të përballet me ligjin për akuzat e sulmit dhe keqtrajtimit të tre fëmijëve të saj, pasi i ka injektuar substanca të paligjshme, konkretisht heroinë.
Sipas mediave lokale, Qendra e Mbrojtjes së Fëmijëve ka nisur hetimet mbi nënën e tre fëmijëve, Ashlee Hutt dhe të dashurit të saj Leroy Mclver, 5 vjeç.
Nga të dhënat thuhet se u kishin injektuar edhe fëmijëve të moshës 6, 4 dhe 2-vjeçare, duke u thënë se ishte një ilaç i mirë i cili do t’i vinte në gjumë.
Për ngjarjen e ndodhur në Maj të 2015-ën, Washington Post raporton se çifti amerikan është paraqitur në gjykatë por janë shpallur të pafajshëm pasi nuk kishte prova të mjaftueshme kundër tyre, edhe pse në trupin e dy vjeçares janë gjetur ende shenja heroine.
Ndërkohë mësohet se të tre fëmijët janë marrë në mbrojtje nga shteti pasi veç këtyre dyshimeve, ata jetonin në kushte të mjerueshme, si dhe të rrethuar me shiringa që përdoreshin për injektimin e drogës.
