Në një botë të dixhitalizuar fëmijët janë gjithmonë e më të ekspozuar ndaj informacioneve mbi seksi. Ata mund të dëgjojnë mbi të në shkollë, në televizion apo në internet.
Por natyra e informacionit që mund të marrin, ndoshta është e pakuptueshme për ta dhe mund të ketë ndikime në psikologjinë e tyre.
Shpesh, prindërit ngurrojnë po aq sa fëmijët e tyre të flasin për seksin.
Debra Hafneri, specialiste në fushën e shëndetësisë, thotë në librin e saj, Beyond the Big Talk se “shumë prindër më kanë thënë se i blinin fëmijës një libër për pjekurinë seksuale ose pubertetin, e linin në dhomën e fëmijës që ende s’kishte hyrë në adoleshencë dhe kurrë nuk ia përmendnin më”.
Hafneri thotë se mesazhi për fëmijët është i qartë:
“Ne duam që ta njihni trupin tuaj dhe të mësoni për seksin, por nuk duam të flasim për këtë temë”
Nëse je prind, duhet të kesh qëndrim krejt tjetër. Vërtet, është tepër e rëndësishme të flasësh ti vetë me fëmijët për seksin. Ju duhet të flisni me fëmijët për seksin sepse:
Koncepti që ka bota për seksin, ka ndryshuar.
“Njerëzit nuk e mendojnë më seksin vetëm si marrëdhënie seksuale midis një burri e një gruaje,—thotë Xhejmsi, një 20-vjeçar.—Tani ka seks oral, seks anal, kiberseks, madje edhe ajo që quhet sexting “
Ka të ngjarë që fëmijët e tu të keqinformohen që në moshë të re.
“Ata do të dëgjojnë për seksin me të filluar shkollën dhe nuk do të kenë pikëpamjen që ti dëshiron t’u ngulitësh”,thotë një nënë që quhet Shila.
Fëmijët e tu kanë pyetje për seksin, por vështirë se do të të afrohen për të folur.
“Sinqerisht, nuk e kam idenë si të filloj një bisedë me prindërit për seksin”, thotë Ana 15-vjeçare nga Brazili.
