Princi Harry do të marrë pjesë në kurorëzimin e Mbretit Charles, por pa Meghan, Markle. Lajmi është bërë i ditur nga Buckingham Palace, shkruan BBC.
Princi Harry do të bashkohet me më shumë se 2000 të ftuar në Westminster Abbey më 6 maj.
Do të jetë hera e parë që ai do të shfaqet në publik bashkë me familjen mbretërore që nga publikimi i librit të tij, Spare.
Libri i Princit Harry , sipas BBC, zbuloi thellësinë e mosmarrëveshjeve me anëtarët e tjerë të familjes mbretërore.
Por jo vetëm libri edhe një seri e mëparshme e dokumetareve në Netflix kishin nxjerrë në pah shqetësimet për mbulimin negativ të medias, veçanërisht ndaj Meghan, ndërsa Harry kishte njoftuar për mungesën e mbështetjes nga familja e tij.
Edhe Princi Harry dhe Meghan lëshuan një deklaratë në të njëjtën linjë me pallatin ku thuhej: “Duka i Sussex do të marrë pjesë në shërbimin e kurorëzimit në Westminster Abbey më 6 maj. Dukesha e Sussex do të qëndrojë në Kaliforni me Princin Archie dhe Princeshën Lilibet.”/Opinion.al
