Më 19 maj, Meghan Markle u bë zyrtarisht pjesë e familjes mbretërore dhe që prej atëherë, ajo është bërë pjesë e pandarë e daljeve dhe angazhimeve publike të kësaj familje.
Mirëpo, bashkë me martesën e saj, Meghan është si kurrë më parë në qendër të vëmendjes së të gjithë botës dhe kjo mund t’i ketë sjellë një stres shumë të madh ish-aktores kanadeze.
36 vjeçarja nga Kalifornia duhet të përballojë presionin e madh që vjen bashkë me famën e madhe dhe kjo ka sjellë pasoja fizike tek dukesha e Sussex. Së fundmi, Meghan Markle ka dalë në një event publik me Mbretëreshën Elizabeth në Cheshire, ku fansat kanë vënë re se flokët e saj të trashë ishin holluar shumë.
Gazeta “Gente” ka intervistuar ekspertin Antonino Di Pietro, i cili ka thënë se pas flokëve të hollë të Meghan Markle fshihet një problem serioz. Bëhet fjalë për sëmundjen e quajtur “Alopecia Areata”, ose ndryshe rënia e flokëve me shpejtësi për shkaqe të ndryshme dhe gruaja e Harry e ka mbuluar deri tani këtë problem duke mbajtur kapele të ndryshme.
