U dërgonte nga telefoni i tij mesazhe të nxehta me përmbajtje seksuale meshkujve të martuar të cilët shkonin në kishën e tij.
Për këtë arsye, pas disa muajsh hetimesh, një prift i ri italian u shkarkua nga detyra nga peshkopi i Avellino, monsinjor Arturo Aiello. Arsyeja zyrtare e shkarkimit është për “arsye shëndetësore”.
Ishte një tjetër prift i cili mësoi nga qytetarë të ndryshëm se prifti u dërgonte mesazhe të nxehta, duke bërë denoncimin.
Mësohet se prifti ishte shumë i vlerësuar në shoqëri, për shkak të përfshirjes në nisma të ndryshme sociale.
Rastet për të cilat akuzohet kanë nisur në muajin mars, ndërkohë që shkarkimi i priftit erdhi pas provave të pakundërshtueshme.
Prifti i ri, i thirrur nga peshkopi para një mini komisioni të formuar nga tre priftërinj të tjerë famullitar, nuk e mohoi incidentin dhe për këtë arsye u urdhërua heqja dhe pezullimi. Prifti ishte vlerësuar shumë nga popullata për iniciativat e ndryshme sociale.
