Në mbledhjen e sotme të komisionit të posaçëm për reformën në drejtësi, ku mungonte opozita është marrë një tjetër vendim i rëndësishëm. Bëhet fjalë për mënyrën se si do të zgjidhet Kryeprokurori i vendit, pas miratimit të reformës në drejtësi.
Anëtari i majtë i komisionit, deputeti i Dibrës Ulsi Manja, tha pas mbledhjes, se risi kryesore e këtij drafti është se prokuroria nuk do të jetë më një organ i centralizuar.
“Zgjedhja e Kryeprokurorit do të bëhet nga Kuvendi, me 3/5 e votave. Risi kryesore e draftit është se tashmë prokurori i çështjes është i pavarur në ushtrimin e ndjekjes penale dhe ne kryerjen e hetimeve paraprake”, u shpreh Manja.
Formula e zgjedhjes së kryeprokurorit është: Emri propozohet nga Këshilli i Lartë i Emërimeve; shkon në Kuvend i cili votimin me 3/5 e votave. Pra me një shumicë të thjeshtë prej 84 votash. Sipas këtij projektligji, Prokurori i Përgjithshëm zgjidhet për një mandat 7 vjeçar.
