Presidenti i Republikës, Bujar Nishani ka pëshëndetur qëndrimin e Kryeministrit Rama për shtyrjen e zgjedhjeve vendore në Bashkinë e Kavajës. Ai e ka parë këtë vendim si një mundësi për të vijuar dialogun politik mes palëve dhe për të gjetur një zgjidhje kompromisi të krizës politike në vend.
“Presidenti i Republikës, Bujar Nishani e vlerëson qëndrimin e Kryeministrit për shtyrjen e zgjedhjeve për Kryetarin e Bashkisë së Kavajës si një mundësi për të vijuar dialogun politik mes palëve për të gjetur një zgjidhje kompromisi të krizës politike në vend. Në këtë kontekst, Presidenti i Republikës vijon të nxisë mbajtjen hapur në vijimësi të dialogut mes palëve” thuhet në njoftimin e Presidences.
