Presidenti i Republikës, Ilir Meta ka dekretuar sot shpalljen e 4 ligjeve, që sipas tij synojnë krijimin e lehtësirave për qytetarët e disa kategorive, në marrjen e shërbimeve.
Konkretisht janë dekretuar shtesat në ligjin ‘Për letërnjoftimin elektronik të shtetasve shqiptarë’, të ndryshuar’”
“Të dyja këto nisma, si shtyrja e afatit të vlefshmërisë së letërnjoftimit elektronik të shtetasve shqiptarë, që u përfundon ky afat brenda vitit 2020, ashtu dhe lehtësimi nga detyrimi për shtetas të moshës mbi 75 vjeç për të rinovuar këtë dokument, përbëjnë një lehtësim më shumë për qytetarët në aplikimin dhe pajisjen me letërnjoftimin elektronik, veçanërisht në këtë periudhë pandemie, si dhe reduktojnë kostot për të moshuarit.”, argumenton Meta.
Presidenti dekretoi gjithashtu ndryshimet në ligjin “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë””
Sipas presidentit Meta kjo nismë, lehtëson aplikimet e operatorëve ekonomikë, duke mundësuar marrjen e licencave/autorizimeve dhe certifikatave që lëshohen nga Autoriteti i Kontrollit Shtetëror të Eksporteve edhe përmes aplikimeve online.
Është dekretuar edhe ligji që shtyn afatin për procesin e rivlerësimit të pasurive të paluajtshme deri në 31 dhjetor 2020.
Shtetasit apo subjektet juridike që për shkak të pandemisë, nuk kanë patur mundësinë të aplikojnë brenda afatit, tashmë u ofrohet edhe një hapësirë e re kohore për të kryer rivlerësimin e pasurive të paluajtshme me vlerën e tregut. /Opinion.al
