Milo Gjukanovic, presidenti Malit të Zi ka hedhur akuza ndaj Kishës Ortodokse Serbe, duke u shprehur se po mban gjallë idenë e Serbisë së Madhe.
Gjukanovic tha se; “rrëfimet e tyre (priftërinjve serb) mbi kufijtë është në kundërshtim me parimet e besimit ortodoks në të gjithë botën”.
Po ashttu, Gjukanovic tha se Kisha Ortodokse Serbe beson se krijimi dhe ekzistenca e Malit të Zi është një gabim që do të rregullohet me kalimin e kohës.
“Ata besojnë se Mali i Zi është krijuar gabimisht dhe se koha do të na mësojë për këtë gabim dhe dikur do ta fillojnë përsëri ndërtimin e Serbisë së Madhe. Natyrisht, ne jemi të vendosur në vizionin tonë për t’i treguar atyre se nuk mund të bëjnë asgjë” tha Gjukanoviq në një mbledhje të partisë së tij në Nikshic.
Presidenti i Malit të zi theksoi se; “do ta ndërtojë një shoqëri multietnike, me një ekonomi të hapur të tregut dhe një shoqëri e cila i respekton vlerat evropiane. Nuk do të lejojmë që në Malin e Zi modern, të jetojnë ata që diktohen nga një organizatë fetare që përfaqëson gërmadhat e së kaluarës”./ Opinion.al E.Xh.
