Presidenti i Romës, James Pallotta festoi kualifikimin e skuadrës së Romës ndaj Barcelonës duke u hedhur në shatërvanin e kryeqytetit.
Por për këtë, presidenti Pallotta u gjobit nga bashkia për këtë veprim, por jo vetëm kaq, pasi pagoi gjobën, ai dhuroi edhe 230 mijë euro për të rikonstruktuar shatërvanin.
Ndërkohë ditën e sotmë, skuadra e Romës luan ndeshjen e dytë gjysmëfinale përballë Liverpool, ku ndeshja e parë përfundoi 5-2 për skuadrën angleze të Liverpool.
Tifozët e Romës presin që nëse kualifikohen ndaj Liverpool, presidenti të hidhet përsëri në shatërvanin e kryeqytetit, por Pallota nuk premton më shfaqje të tilla publike.
“Kemi ndjesi të mira, të shohim. Një tjetër dush në shatërvan? Jo, sonte i mbyllin të gjitha, më duket se sonte do të mbyllin edhe Koloseun” ka thënë Pallotta me ironi për mediat italiane.
