Presidentit iranian Hasan Ruhani ka paralajmëruar forcat e huaja të qëndrojnë jashtë rajonit të Gjirit Persik.
“Fuqitë e huaja po kërcënojnë sigurinë në Gjirin Persik dhe duhet të qëndrojnë larg rajonit” tha ai pas paralajmërimit të Shteteve të Bashkuara se do të dërgojë trupa në rajon.
Ruhani tha se fuqitë e huaja kishin sjellë gjithmonë dhimbje dhe mjerim dhe se nuk duhet të përdoreshin për një garë armësh.
“Forcat e huaja mund të shkaktojnë probleme dhe pasiguri për popullin dhe rajonin tonë. Nëse ata janë të sinqertë, nuk duhet ta kthejnë rajonin në epiqendrën e një gare armësh. Sa më larg të qëndrojnë nga vendet tona, aq më të sigurtë do të jemi” tha presidenti Iranian.
Ruhani bëri gjithashtu të ditur se Irani do të prezantojë një inciativë të re paqeje gjatë ditëve në vazhdim në Kombet e Bashkuara.
Pas sulmit ndaj rafinerive saudite të naftës, SHBA tha se do të dërgojnë më shumë trupa në Arabinë Saudite.
“Presidenti ka aprovuar dërgimin e trupave amerikane, të cilat do të angazhohen në operacione mbrojtëse, veçanërisht ajrore dhe raketore. Pajisje ushtarake do të dërgohen në Arabinë Saudite dhe Emiratet e Bashkuara, për të përmirësuar aftësinë e tyre për t’u mbrojtur” tha Sekretari i Mbrojtjes, Mark Esper. /Opinion.al
