Presidenti i Interit, Erick Thohir ka thënë se Mauro Icardi mund të kushtojë deri në 200, 300 apo 400 milionë euro për klubet që janë të intertesuara për të blerë lojatin në Itali.
Aktualisht, sulmuesi argjentinas ka një klauzolë largimi prej 110 milionë eurosh për klubet e huaja dhe këtë deri në dy javët e para të korrrikut.
“Icardi ka klauzolë lirimi prej 110 milionë euro dhe çdo klub që mendon ta paguaj duhet të flet me shefat e Interit. Kjo vlen për klubet jashtë Italisë, në Itali shifrat ndërrojnë, ai mund të kushtojë 200, 300 apo 400 milionë euro. Për momentin klauzola e tij është ende 110 milionë euro dhe do të rritet në 150 milionë por ende nuk jemi dakorduar me lojtarin” ka thënë Thohir për TopSkor.
Mauro Icardi u shpall edhe golashënuesi më i mirë në Serie A, së bashku me Immobile-n, të cilët shënuan nga 29 gola secili.
Për shërbimet e argjeninasit kanë shfaqur interes skuadra si Real Madrid dhe PSG, ndërsa kësaj gare i janë bashkuar dhe kampionët e sapo shpallur të Italisë, Juventus-i.
