Presidenti i FIFA-s Gianni Infantino do të vizitojë Shqipërinë së shpejti.
Lajmi njoftohet nga vetë Federata Shqiptare e Futbollit, ku kreu i FIFA-s ka pranuar me kënaqësi ftesën e Presidentit të FSHF-së për të vizituar Shqipërinë.
Ndër të tjera Presidenti i FIFA-s përcolli dhe urimin tek Armando Duka për rizgjedhjen në krye të futbollit shqiptar.
Infantino u zgjodh President i FIFA-s në 26 shkurt 2016 dhe kjo do të jetë hera e parë që Infantino do të vizitojë Shqipërinë.
Në ditët e ardhshme pritet që të përcaktohet një datë zyrtare e Infantino-s në Tiranë.
