Presidenti brazilian Jair Bolsonaro tha se Organizata Botërore e Shëndetit inkurajon homoseksualitetin dhe masturbimin tek fëmijët e vegjël.
Kjo është përplasja e tij e fundit me organizatën, këshillat e së cilës për distancimin shoqëror dhe masat e tjera anti-koronavirus, ai nuk i ka vënë në zbatim në shtetin e tij.
Drejtuesi i ekstremit të djathtë publikoi akuzën, pa përmendur burime, në një postim në Facebook që ai më vonë e fshiu.
‘Kjo është Organizata Botërore e Shëndetit, këshillat e së cilës për koronavirusin, disa njerëz duan që unë t’i ndjek,’- shkroi ai të mërkurën vonë.
Akuzat duket se burojnë nga postimet në media sociale që sugjerojnë që OBSH-ja inkurajon praktika të tilla mes fëmijëve të vegjël.
Këshilltari i Bolsonaros, Arthur Weintraub, më herët kishte shkruar në Tëitter: ‘OBSH ka udhëzime që rekomandojnë fëmijët nga zero deri në katër vjeç të mësojnë rreth ‘masturbimit’,” kënaqësive seksuale’, ‘prekjen e trupit të një personi’ dhe ‘ideologjinë gjinore’.A është kjo e drejtë?
Origjina e informacionit dukej të jetë një udhëzues i vitit 2010 i quajtur ‘Standardet për Edukimin Seksual në Europë’, botuar nga Qendra Federale e Gjermanisë për Edukim Shëndetësor dhe zyra Europiane e OBSH-së.
Megjithëse nuk përqëndrohet tek kjo temë, udhëzuesi sqaron shkurtimisht që fëmijët e vegjël zbulojnë trupin e tyre dhe u thotë prindërve dhe edukatorëve që sjellja siç është prekja e vetes dhe kurioziteti për seksualitetin janë normale te fëmijët.
Por nuk u bën thirrje atyre që të inkurajojnë ndonjë nga sjelljet e përmendura nga Bolsonaro. Ndonjëherë i quajtur ‘Trumpi Tropikal’, Bolsonaro, si homologu i tij amerikan, është një përdorues i zjarrtë i mediave sociale.
Ai ka qenë rregullisht në kundërshtim me OBSH që prej fillimit të pandemisë koronavirus. Zyra e presidentit nuk iu përgjigj një kërkese për koment rreth postit në Facebook./ Opinion.al
