Prej ditës së djeshme u bë e ditur që presidenti francez, Emmanuel Macron do të shtynte ardhjen në Tiranë për shkak të një sulmi terrorist që u regjistrua në Francë para disa ditësh.
Ndërsa zyra e shtypit në Presidencën e Republikës së Shqipërisë ka informuar se Macron do të mbërrij nesër në mëngjes në Tiranë dhe se do të takohet me homologun shqiptar, Bajram Begajn.
Agjenda e vizitës së presidentit francez:
Presidenti i Republikës së Francës, Emmanuel Macron, do të zhvillojë një vizitë zyrtare në Shqipëri.
Nesër më 17 tetor 2023 Presidenti francez do të takohet me Presidentin e Republikës së Shqipërisë, Bajram Begaj.
Më poshtë agjenda e vizitës në Presidencë:
8:25 -Mbërritja e Presidentit të Republikës Franceze në Institucionin e Presidentit të Republikës.
Presidenti i Republikës franceze do të pritet nga Presidenti i Republikës, Sh.T.Z. Bajram Begaj.
-Interpretohet himni kombëtar francez;
-Interpretohet himni kombëtar shqiptar;
-Kryhet kalimi para truprojës së nderit;
-Dy krerët e shteteve prezantojnë ekipet e tyre respektive.
Presidenti i Republikës së Francës ftohet të nënshkruajë në librin e të ftuarve.
Në hollin ”Nënë Tereza” do të bëhet fotoja zyrtare.
08:35 – 09:05 – Takim kokë më kokë mes dy presidentëve.
