Presidenti i përkohshëm i Brazilit Michel Temer akuzohet për lidhje me një prej skandaleve më të mëdha të korrupsionit në këtë vend.
Gjatë dëshmisë së tij, Sergio Machado, ish drejtori i kompanisë shtetërore të naftës Petrobras, tha se zoti Temer i kishte kërkuar fonde kompanisë për fushatë elektorale, raporton express.
Machado në cilësinë e dëshmitarit, pranoi se ai vetë ka orkestruar një skemë për dhënien e ryshfeteve për presidentin Temer dhe për 10 politikanë të tjerë.
Vet presidenti i përkohshëm Temer i ka mohuar akuzat.
Në qendër të skandalit ndodhet firma shtetërore Petrobras e cila është mbi-faturuar me 2 miliardë dollarë nga firma të tjera kontraktuese.
