Presidenti i Republikës së Shqipërisë, Bajram Begaj, ndodhet sot në Kosovë, për të marrë pjesë në ceremonitë shtetërore me rastin e Ditës së Çlirimit të Kosovës.
Ai është takuar mëngjesin e sotëm me Presidenten e Kosovës, Vjosa Osmani.
Ndërsa mbrëmjen e djeshme mori pjesë në një darkë me kryeministrin Kurti, kryeparlamentarin Konjifca, ish presidentin kroat Stipe Mesiç, ambasadorin William Walker, ish-sekretarin e NATO, Lord George Robertson.
Pas takimit, Begaj do t’i drejtohet deputetëve të Kuvendit të Kosovës në seancën për shënimin e 25 vjetorit të Çlirimit të Kosovës.
Në përfundim, Presidenti do të jetë i pranishëm në Parakalimin e Forcave të Sigurisë së Kosovës që do të zhvillohet në nder të Ditës së Çlirimit si edhe në pritjen shtetërore që organizohet me këtë rast.
