Presidenti kroat Zoran Milanoviç u prit këtë paradite me një ceremoni zyrtare në Presidencë nga presidenti i Republikës Bajram Begaj.
Milanoviç shoqërohej nga zonja e Parë e Kroacisë, Sanja Musiç Milanoviç.
Presidenti kroat erdhi në Tiranë me ftesë të homologut shqiptar dhe do të qëndrojë dy ditë.
Pas takimit në Presidencë, pritet të ketë një konferencë për gazetarët.
Agjenda:
10:30-10:45 – Ceremonia e mirëseardhjes së Presidentit të Kroacisë, Sh.T.Z. Zoran Milanoviç i shoqëruar nga delagacioni zyrtar dhe Zonja e Parë e Kroacisë, Sanja Musiç Milanoviç.
10:50-11:10 -Takimi tete-à-tête mes Presidentit të Republikës së Shqipërisë Sh.T.Z. Bajram Begaj dhe Presidentit të Republikës së Kroacisë, Sh.T.Z. Zoran Milanoviç.
11:15-12:00 – Takimi dypalësh i delegacioneve të Republikës së Shqipërisë dhe Republikës së Kroacisë, i kryesuar nga Presidentët Begaj-Milanoviç.
12:10- 12-40- Deklarata dhe konferenca për shtyp nga Presidenti i Republikës së Shqipërisë Sh.T.Z. Bajram Begaj dhe Presidenti i Republikës së Kroacisë, Sh.T.Z. Zoran Milanoviç./Opinion.al
