Jacinda Ardern, kryeministrja e Zelandës së Re, ka premtuar se kurrë nuk do ta përmendë emrin e autorit të vrasjes së 50 njerëzve dhe plagosjes së dhjetëra të tjerëve. Ardern ka thënë se gjëja që ai dëshironte më shumë ishte fama, ndaj ajo është betuar të mos ia përmendë më kurrë emrin.
“Ajo që kërkonte më shumë ishte fama. Ndaj, unë nuk do ta shqiptoj kurrë emrin e tij”, tha Jacinda Ardern. Në vend të kësaj, ajo i kërkoi diçka kolegëve të saj, mediave dhe krejt njerëzve në gjithë botën. “Unë ju lutem që të përmendni emrat e atyre që humbën jetën, në vend se të shqiptoni emrin e atij që i mori jetën. Ai është një terrorist, është ekstremist. Unë s’do t’ia përmend më kurrë emrin”, është shprehur Jacinda Ardern./Opinion.al
