Kryeministri Edi Rama është ndalur këtë të premte në Gjirokastrër, në kuadër të fushatës elektorale për zgjedhjet e 14 Majit.
Gjatë fjalës së tij, Rama ka komentuar edhe premtimin e bërë nga Adil Xhelili, kandidati i koalicionit “Bashkë Fitojmë” për bashkinë e Libohovës i cili është zotuar për shërbim funeral falas nëse zgjidhet kryebashkiak.
Rama me ironi tha se Xhelili ishte gati të varroste gjithë Gjirokastrën.
“Kemi një në Libohovë që është gati t’ju varrosë falas. Thotë më jepni votën të varros falas gjithë Gjirokastrën. Ka dalë njëri atje. Një tjetër në Tepelenë kishte dalë me megafon në kafe dhe ishte vetëm e se dëgjonte njeri. Ujë falas varrime falas. Të gjitha falas i keni me ta, po e dini shumë mirë ça vjen pas asaj falas, jo t’i keni falas po mos të të lënë as të varrosesh rehat”-tha Rama.
